Դպրոցասէր վարժարան
9-րդ դասարան
Արձակուրդ
Յովհաննէս Յովհաննիսեան
Ամառնային արձակուրդին ես եւ ընտանիքս 2 շաբաթով գացինք Վանտէ։ Վանտէն ֆրանսական մարզ է, որ կը գտնուի Ֆրանսայի արեւմուտքը, Ատլանտեան ովկիանոսին վրայ, գլխաւոր քաղաքն է Լա Ռոշ Սիւր Եոն։ Մենք լողացինք, ճաշարան գացինք եւ իմացանք, որ այնտեղ շատ ձկնորսներ եւ ծեր մարդեր կան:
Գացինք Բ. Համաշխարհային Պատերազմի նուիրուած թանգարան: Տեսանք գերմանական ներքնայարկ զօրանոցներ եւ գերմանական, ֆրանսական, ամերիկեան եւ անգլիական զինուորներու համազգեստներ եւ զէնքեր: Կար ֆիլմ նուիրուած պատերազմի տարիներու Վանտէին, կար նաեւ յուշանուէրներու խանութ:
Երբ դարձանք տուն, ես 6 գիրք կարդացի, մարզանք ըրի եւ շատ ֆիլմեր դիտեցի։
03 Հոկտեմբեր 2023
Սիլվա Պաղտասարեան
Արձակուրդի ատեն հայրս ու ես մեր նոր տան մէջ աշխատանքներ ըրինք։ Գացինք IKEA եւ խոհանոցին կարասիները գնեցինք։ Սկսանք կազմել եւ անդրադարձայ, որ որքան դիւրիւն է IKEA կարասիները կազմել։ Երկու-երեք օր ետք խոհանոցը պատրաստ էր։
Երկու շաբաթ ետք Նայիրիին հետ տեսնուեցայ։ Մեթրոն առինք եւ Չինական թաղամաս գացիք եւ համով ճաշարանի մը մէջ կերանք։ Յետոյ TANG FRERE խանութը գացինք, չինական կերակուր գնեցինք, պտտեցանք եւ տուն դարձանք։
Քանի մը շաբաթ ետք, Փարիզի հարաւը՝ Լուար-է-Շէր (Loir-et-Cher) նահանգի Պովալի (Beauval) կենդանաբանական պարտէզը գացի երեք օր։ Շատ սիրեցի, որովհետեւ շատ շատ շատ կենդանի կար։ Իմ ամենէն սիրած կենդանիներս ճերմակ վագրերն էին, որ հիանալի էին։ Բայց ատոնցմէ զատ շատ թռչուններ, վայրի կենդանիներ կային, որոնք հոն բերուած էին աշխարհի չորս կողմէն։
7 Սեպտեմբեր 2023