19-րդ դարու ֆրանսացի նշանաւոր քանդակագործ Օկիւստ Ռոտէն ծնած է 12 Նոյեմբեր 1840-ին, Փարիզ եւ մահացած՝ 17 Նոյեմբեր 1917-ին։
Ան նկատուած է քանդակագործութեան հիմնադիր անձերէն մէկը։
Երբ մենք այցելեցինք Փարիզի իր թանգարանը շատ հետաքրքրական գտանք իր «Մայր եկեղեցի» (La cathédrale) գործը։
Ռոտէնի մարմարէ կառուցուած այս գործը կը ներկայացնէ միահիւսուած երկու հսկայական ձեռքեր։ Ան կը նմանի տաճարի մը, իր գմբէթով ու սիւներով, բայց անոնք ներկայացուած են ձեռքերով։ Երբ կը դիտես քանդակը, կը հիանաս։ Ան զօրաւոր տպաւորութիւն կը ձգէ մարդու վրայ, որ ներկայացուած է երկու պարզ ձեռքերու միջոցով։
