Դպրոցասէր վարժարան, 6-րդ դասարան
Պահք
Մելինէ Ֆորէլ եւ Աթենա Փետրօ
Պահքի 40 օրերու ընթացքին Աստուծոյ կը մօտենանք։ Պահքի ընթացքին կը մաքրենք մեր սիրտը, մեր միտքը եւ մեր մարմինը. «առողջ միտք, առողջ սիրտ առողջ մարմինի մէջ»։ Այս կը նշանակէ, որ մենք մեզ լաւ կը զգանք, ուրեմն գիտենք, որ մեր սիրտը մաքուր է։
Երբ պահք կ’ընենք, մեր մոլութիւններէն կը հեռանանք։
Տեզիրէ Քանուն եւ Լիտիա Կօլ
Պահքը քրիստոնէական աւանդոյթ է։ Հաւատացեալները պահքը կ’ընեն, որ իրենց սիրտը, միտքը եւ մարմինը մաքուր ըլլայ։ Կը տեւէ 40 օր եւ այդ օրերուն չենք կրնար ուտել անասունի արտադրածը։
Մեր ամենօրեայ կեանքը կ’ապրինք, դպրոց կ’երթանք կամ գործի, բայց առանց մոռնալու աղօթել եւ եկեղեցի երթալ։ Պահքը այն շրջանն է, որ Աստուծմէ ներողութիւն կը խնդրենք մեր սխալներուն համար եւ կը փորձենք մեղքեր չգործել։
Պահքը կը սկսի Բարեկենդանէն ճիշդ ետք եւ կը վերջանայ Զատիկի առտուն։
Ծաղկազարդ
Անի Գոգտետէ եւ Լարա Ֆարհատեան
Ծաղկազարդը կը խորհրդանշէ Քրիստոսի մուտքը Երուսաղէմ, ուր զայն դիմաւորեցին ձիթենիի ճիւղերով։
Յիսուս իր աշակերտներէն աւանակ մը խնդրեց, որ Երուսաղէմ երթայ։ Յիսուս հասաւ բլուր մը, ուրկէ կը տեսնուէր գիւղ մը եւ տան մը առջեւ՝ աւանակ մը։ Ան իր երկու աշակերտները ղրկեց, որ աւանակը բերեն։ Բայց աւանակը շատ պզտիկ ըլլալուն, աշակերտները անոր կռնակին դրին իրենց հանդերձները, որ Յիսուս վրան նստի։
Երբ Երուսաղէմ հասան, մարդիկ զինք դիմաւորեցին ձեռքերուն մէջ ձիթենիի ճիւղեր շարժելով եւ պոռալով՝ Ովսաննա*, օրհնեալ է ան որ կու գայ Տիրոջ անունով։ Մարդիկ իրենց հագուստները հանեցին եւ փռեցին աւանակի ոտքերուն տակ ի նշան ուրախութեան եւ ի պատիւ Յիսուսի։
Ծաղկազարդը կը տօնենք Զատիկէն մէկ շաբաթ առաջ։ Այդ շաբաթը կը կոչուի Աւագ Շաբաթ։ Աւագ Հինգշաբթի Յիսուս իր տասներկու աշակերտներուն ոտքերը լուաց։ Նոյն իրիկունը իր աշակերտներէն Յուդան զինք մատնեց հռոմէացի զինուորներուն։ Աւագ Ուրբաթ օր զինք խաչեցին եւ երեք օր ետք յարութիւն առաւ։ Այդ օրը Զատիկ կ’ըլլայ։
*Ովսաննա-եբրայերէն բառ, որ կը նշանակէ՝ փրկէ մեզ
One Response
Bravo à tous les élèves. 👏👏🥰