Ծիծեռնակի նախկին դպրոցասէրցիներու ծրագրի շրջագիծէն ներս, 31 Հոկտեմբեր 2023-ին կազմակերպուեցաւ պտոյտ մը Փարիզի Մոնմարթր թաղամասին մէջ։ Մասնակցեցաւ նախկին դպրոցասէրցիներէ եւ Ալֆորվիլի մշակոյթի տան աշակերտներէ կազմուած խմբակ մը՝ հայերէնի ուսուցչուհիներու ընկերակցութեամբ։ Խումբը առաջնորդեց տիկին Սեւան Նազարեան։
Ստորեւ, երկու դպրոցասէրցիներու տպաւորութիւնները։
ԾԻԾԵՌՆԱԿ
Սերենա Քէշիշեան, նախկին դպրոցասէրցի
Հեղուկ ժամացոյցը
31 հոկտեմբերին Դպրոցասէրի մի քանի նախկին աշակերտներով հաւաքուեցանք Փարիզի Մոնմարթր թաղամասը։ Մեզի ընկերացան Ալֆորվիլի հայկական մշակութային տունէն մի քանի աշակերտներ։ Այցելեցինք թաղամասին ամենակարեւոր տեղերը, միեւնոյն ատեն մշակութային տան ուսուցչուհին մեզի պատմեց Մոնմարթրի պատմութիւնը։ Այցելեցինք նաեւ Մոնմարթրի մէջ Տալիի թանգարանը։
Տալին սպանացի նշանաւոր նկարիչ է։ Հոս՝ պիտի սերտենք «Հեղուկ ժամացոյց»ին իմաստը։
Նախ եւ առաջ պիտի բացատրեմ իմ առաջին տպաւորութիւնս։ Յետոյ պիտի բացատրեմ այս ստեղծագործութեան իսկական նշանակութիւնը։
Թանգարանին մէջ նշմարեցի երկու հեղուկ ժամացոյցներ։ Մէկը ծառի կոճղի մը վրայ, երկրորդը՝ կախիչի մը վրայ։
Կը տեսնենք որ ժամացոյցը կը հալի, ժամանակը կ’անցնի, բայց առարկաները կրնան յաւիտեան մնալ։ Կը հասկնամ, որ ժամանակը կարեւորութիւն չունի։
Տալիի կարծիքով ժամանակը պէտք չէ չափենք։ Իրեն համար առանց ժամացոյցի ժամանակը կը դառնայ անսահման եւ ամէն ինչ կարելի կ’ըլլայ կեանքի մէջ։
Ուրեմն կ’եզրակացնեմ, որ մեր կեանքը պէտք է ապրինք առանց հաշուի առնելու ժամանակը։ Այդպիսով կ’ապրինք ամենալաւ ձեւով։
Մարկօ Մարկոսեան, նախկին դպրոցասէրցի
Կալայի եւ Սալվատոր Տալիի սիրոյ պատմութիւնը
Մեր պտոյտի ժամանակ գացինք Փարիզ, Մոնմարթր թաղամասը, այցելելու Սալվատոր Տալիի աշխատանքներու ցուցահանդէսը։ Զիս շատ հետաքրքրեց Կալայի եւ Սալվատոր Տալիի սիրոյ պատմութիւնը, երբ որ տեսայ անոնց լուսանկարները։ Ահաւասիկ այսօր ձեզի պիտի ներկայացնեմ անոնց սիրոյ պատմութիւնը։ Պիտի սկսիմ Կալայէն եւ անոր պատմութենէն, ապա պիտի անցնիմ Տալիին հետ անոր ծանօթութեան եւ վերջապէս՝ Տալիի աշխատանքին վրայ անոնց սիրոյ պատմութեան ազդեցութեան։
