Դպրոցասէր վարժարան, 6-րդ դասարան
Ալեքս Քէշիշեան
Այն գիրքը, որ ես պիտի ներկայացնեմ, կը կոչուի «Մէկ կտոր» (One piece)։ Ճաբոնական շարանկարներու շարք մըն է։ Հեղինակն է Օտա Էյչիրօ (Oda Eiichiro)։ Ֆրանսերէնի թարգմանած է Ճամէլ Ռապահի (Djamel Rabahi)։
Ֆրանսայի մէջ հրատարակուած է 103 հատոր, իսկ Ճաբոնիոյ մէջ՝ 105 հատոր։ Իմ գիրքս առաջին հատորն է։ Պատմութիւնը դեռ չէ վերջացած։
Ունի 207 էջ։ Գրուած է 1997-ին։ Ֆրանսայի մէջ հրատարակուած է 2021-ին, Կլենա (Glénat) հրատարակչատունէն։
8 Մարտ 2023
Լուսիկ Եաքար
Գիրքիս վերնագիրն է «Մորթէլ Ատէլ եւ տարօրինակներու մոլորակները» (Mortelle Adèle et la galaxie des bizarres)։ Հեղինակներն են պարոն Թան (բուն անունով Անթուան Տոլ) եւ գծանկարիչ Տիան լը Ֆէյեր (Mr Tan – Diane Le Feyer)։ Հրատարակուած է 21 Հոկտեմբեր 2020-ին, Կլոպիւլ (Globulle) շարքէն։ Ունի 112 էջ։
Ես ընտրեցի այս գիրքը, որովհետեւ շատ սիրեցի պատմութիւնը, ուր երեխաները կը կառավարեն մոլորակները, ուրկէ ծնողները վտարուած են։
Կերպարներն են. Ատէլ, Մակնիւս, ծնողներ, մեծ իմաստուն (մեծ մայրիկը), ուսուցչուհի, Լիւտովիք, Ժատ, Ժոֆրուա։
9 Մարտ 2023
Հիւկօ Գարասօ
Այն գիրքը, որ կ’ուզեմ ներկայացնել, կը կոչուի «Ասթերիքսի շրջագայութիւնը Գալիա» (Le tour de Gaule d’Asterix)։ Գրուած է Ռընէ Կոսիննիի (René Goscinny) կողմէ։ Նկարազարդած է Ալպեռ Ուտերցօ (Albert Uderzo)։
Շարանկարը լոյս տեսած է 2019-ին, 48 էջ է։ Շատ կերպար կայ. Ասթերիքս, Օպելիքս, Փանորամիքս, Ապրարաքուրսիքս, հռոմէացիներ, բնակիչներ եւ վաճառողներ։
Շարանկարին նիւթը հետեւեալն է. Ասթերիքսը շրջագայութեան կ’երթայ Գալիա, որպէսզի գիտնայ, թէ այնտեղ մարդիկ ի՞նչ կ’ուտեն։
Ես սիրեցի այս շարանկարը, որովհետեւ կը սիրեմ Գալիան եւ Ասթերիքսը։ Կը սիրեմ ուտել եւ կ’ուզեմ դառնալ խոհարար։
21 Մարտ 2023
Ռաֆֆի Գարա
Գիրքիս վերնագիրն է «Ֆիւզը եւ Տիտիէն լուսնի ճանապարհին» (Fuse et Didier en route vers la lune)։ Հեղինակներն են Ժան Քրիստոֆ Տէրիէ եւ Ֆիւզ (Jean Christophe Derrier – Fuse)։ Նկարիչն է Օրնելլա Կրեքօ (Ornella Greco)։
Գիրքը լոյս տեսած է 2022 թուականի Ապրիլին, «Սոլէյ» (Soleil) հրատարակչութենէն։ Ան ունի 46 էջ։ Շարանկար է։
Ես աս գիրքը սիրեցի, որովհետեւ տիեզերքի մասին է եւ շատ հետաքրքրական է ինծի համար։ Ան ծիծաղաշարժ գիրք մըն է։ Կերպարներն են Ֆիւզը, Տիտիէն, պարոն Փարքերը եւ Ֆրամպուազը։
3 Մարտ 2023
Օլիվիա Պէնլիօկլու
Գիրքիս անունը ՙՄորթէլ Ատէլ. կատարեալ զուարճութիւն՚ (Mortelle Adèle – Funky moumoute) է։ Հեղինակին անունն է պարոն Թան (բուն անունով Անթուան Տոլ)։ Գծագրութիւնը ըրած է տիկին Տիան լը Ֆէյեր (Mr Tan – Diane le Feyer)
Շարանկար մըն է։ Լոյս տեսած է 2020-ին, Կլոպիւլ (Globulle) շարքէն ։ Գրուած է 2018-ին։ Ունի 80 էջ։ Կերպարներն են՝ Ատէլ, Շառլի եւ Մակնիւս։
Այս գիրքը շատ սիրեցի, քանի որ շատ խնդացի։
15 Ապրիլ 2023