Դպրոցասէր վարժարան, 6-րդ դասարան
Ալեք Տեկիրմենթաս
Իմ գիրքիս անունն է ՙՄեծ պատմութեան բանտարկեալը՚ (Prisonnier de la grande histoire)։ Հեղինակին անունն է Եէնս Շումախէր (Jens Schumacher)։ Գրուած է 2020-ին եւ լոյս տեսած է 2022-ին, Լարուս (Larousse) հրատարակչութենէն։ Ունի 107 էջ։ Ժամանցի գիրք է։
Կերպարներն են քեռի Էթան, Ռոնու (նախամարդ), Կլաատու, վարպետ Ագենոր (եգիպտացի), վարպետ Մորլին, պալատական հրաշագործ, թագաւոր, կապիտան Մէկ Ականջ։
Ես կը սիրեմ այս գիրքը, քանի որ կան լուծելու հանելուկներ, հաշիւներ, տրամաբանական խաղեր, առեղծուածներ, վերծանումներ, լաբիւրինթոս։ Կը սիրեմ նաեւ քանի որ կան պատմութեան բոլոր ժամանակները. նախապատմութիւն, հնադար, միջնադար եւ ժամանակակից շրջան։ Եւ քանի որ կը սիրեմ պատմութիւն, սիրեցի այս գիրքը։
9 Մարտ 2023
Գայանէ Յարութիւնեան
Գիրքիս վերնագիրն է ՙԿախարդուած ըմպելիքի գաղտնիքները՚ (Le secret de la potion magique), Ասթերիքս շարքէն։
Պատմութեան հեղինակն է Ալեքսանդր Ասթիէ (Alexandre Astier)։ Գրուած է Ռընէ Կոսիննիի (René Goscinny) եւ գծանկարիչ Ալպեռ Ուտերցոյի (Albert Uderso) գործի հետեւողութեամբ։
Լոյս տեսած է 2018-ին, Աշէթ (Hachette) հրատարակչատունէն։ Կը բաղկանայ 48 էջէ։
Նիւթ. ծառէն իյնալէն ետք, Փանորամիքսը կը փափաքի գտնել իր իրաւայաջորդը, փոխանցելու համար կախարդական խմիչքի գաղտնիքները։
Այս գիրքը սիրեցի, քանի կը սիրեմ Ասթերիքսի պատմութիւնները եւ նկարները, որովհետեւ գեղեցիկ են։
Գիրքին կերպարներն են Ասթերիքս, Օպելիքս, Փեքթին, Փանորամիքս, Սիւլֆիւրիքս, Թելեֆիքս։
23 Մարտ 2023
Էտի Պաղտասարեան
Իմ գիրքս կը կոչուի ՙՄեր գլխուն ինկող երկինքը՚ (Le ciel qui tombe sur le tête)։
Հեղինակին անունն է Ռընէ Կոսիննի (René Goscinny), նկարազարդողին անունը՝ Ալպեռ Ուտերցօ (Albert Uderzo)։
Գիրքը շարանկար է։ Լոյս տեսած է 2005-ին։ Ունի 47 էջ։
Նիւթը. Աստերիքսը եւ Օպելիքսը որսէն կը վերադառնան գիւղ եւ կը տեսնեն, որ ամեն մարդ սառած է։ Միայն մէկ մարդ սառած չէ՝ Փանորամիքսը։ Կը գիտնան, որ ան այլմոլորակային էակ է։
Կերպարներն են. Ասթերիքս, Օպելիքս, Իտեֆիքս, Փանորամիքս, Ասիւրանսեթորիքս, Թուն, Ապրարաքուրսիքս։
Այս գիրքը սիրեցի, որովհետեւ շատ լաւ գծանկարուած է։
21 Մարտ 2023
Լենա Թելֆեան
Այս գիրքին խորագիրն է ՙՈւղեգիրք Մարապու, փշածառեր եւ հիւթեղ բոյսեր՚ (Le guide Marabout, Des cactus et succulentes)։ Ենթախորագիրն է ՙԻնչպէս ընտրել, խնամել եւ օգտուիլ 200 փշածառերէ եւ հիւթեղ բոյսերէ՚ (Comment choisir, entretenir et profiter de 200 cactus et succulentes)։
Հեղինակներուն անուններն են Ֆրան Պայլէ եւ Զիա Ալլաուէյ (Fran Bailey et Zia Allaway)։ Լոյս տեսած է 2019-ին՝ Անգլիա եւ 2020-ին՝ Ֆրանսա, Աշէթ (Hachette) հրատակչատան Մարապու (Marabout) բաժինէն։ Ունի 224 էջ, նիւթը փշածառն է։
Ես այս գիրքը սիրեցի, քանի որ սորվեցայ բաներ, որ չէի գիտեր։ Օրինակ՝ փշածառին ճիւղը կրնանք մէջտեղէն կտրել եւ ուրիշ բոյսի ճիւղ մը վրան դնել, որ բուսնի։
Ուղեգիրքերու տեսակին կը պատկանի այս գիրքը։
23 Մարտ 2023